Kaupapa: Prison

Te Wiki o Ngā Tamariki o Ngā Mauhere

He kokonga whare ka kitea, he kokonga ngākau, e kore e kitea.  Ko te wiki tēnei mō ngā tamariki a ngā mauhere puta noa i te ao, ka mutu, ko ngā kanohi o aua tini tamariki i titia ki ngā pātū o te Whare Pāremata, kia kitea, kia whakaaronuitia i runga i te kaupapa o te wā.

Ka kitea ko ngā kanohi o ētahi tamariki o ngā mauherehere puta noa i te ao.

Ā, ahakoa karekau he kanohi nō Aotearoa i roto i te whakaaturanga, e ai ki ngā mātanga he raru nui mō Ngāi Tātou, he rima tekau ōrau o ngā mauherehere i Aotearoa, he Māori.  Heoi e ai ki te rōpū Ka Pou Whakahou, kei reira rātou kia whai rongoā ai a Ngāi Māori.

Ko tētahi o ngā kaupapa o Ka Pou Whakahou, he whakarite i tētahi kaitohutohu mā ngā tamariki hei āwhina i a rātou.

Ko te tūmanako, mā ēnei kaupapa ka whakamutua ngā āhuatanga taihara, ka whai oranga te iwi Māori.