Kaupapa: Entertainment

Te whai a Oceana i te ara o angitū

Nā tōna aroha ki te waiata, me tōna koingō ki tōna ahurea Māori, i hipa ai i a Oceana Olsen ngā tairo ā-kupe o tōna tinana, i aro kore anō ai ki ngā kupu hahani a te hunga kuare.

I whānau mai tēnei kaiwhakataetae i te hōtaka pūkenga o NZ's Got Talent me te māuiuitanga Pseudoachondroplasia, nā kōna i raru ai te tupu o ōna kōiwi, ahakoa tonu, kāore te mate nei mō te whakararu i a Oce, me tana whai i te ara o angitū.

Tekau tau noa iho te pakeke, ā, e kitea ana ōna uauatanga ā-tinana nei, heoi tē whakarerea ai e tēnei manawatītī tōna ara ki angitū.

Kua whai urunga a Oceana ki te whiringa whāiti o te whakataetae pouaka whakaata o NZ's Got Talent, mōna i tūwhitia te hopo.

Ko te tino o ngā hua kua puta mai i te whai wāhitanga o Oceana ki te hōtaka nei, ko te whakaawe i ngā tamariki kua pākia e tētahi hauātanga tinana pēnei i a ia.

He whāinga motuhake anō tā Oceana i tēnei tau, ko te whakaū i a ia anō ki tōna ao Māori.

Nō reira kia eke a Oceana ki te angitū, kia kaha ki te pōti mō 'Oce'.

Tuaritia: