Kaupapa matua

Te Pō Tohu Waiata o Vodaphone

Ko ngā pūrongo a Whakaata Māori mō te Pō VNZMA, me ētahi atu o ngā kōrero ngahau o te wā.

Te mea hou

Pūrongo

Kua horo te Pāpori i te waiata māori E Kī

Rukuwai Tipene-Allen

Koni atu i te toru tekau mā whā mano tāngata i mātaki atu i te waiata i te pukamata.  Nā Rei me tana waiata e Kī i Māori ai ngā arero rotarota puta noa i te motu me te mea nei ka whakarewa tana kōpae pūoro reo Māori. 

Pūrongo

E pahū ana te tokotoru nei i te marea

Mere McLean

Ko Ngatai, ko Maneo, rātou ko Paerau Armstrong kei te whakakanohi i te iwi o Te Arawa i te Whakataetae ā-motu mō ngā Rōpū Pūngawī o Aotearoa kei Rotorua e tū ana. Kei roto rātou i te rōpū Highland Pipe Band nō te taone o Rotorua, nā runga i te āki a tō rātou māmā.

Pūrongo

He tū motuhake o POI E nā te Tira Pūoro o Tāmaki Makaurau, nā te Kapa Haka o Kahurangi ki Maungawhau anō hoki

Mānia Clarke

Mo te wā tuatahi kua kitea te Tira Pūoro o Tāmaki Makaurau e waiata ngātahi ana ki tētahi kapa haka. Nōnatata nei tū rātou ko te Kahurangi ki Maungawhau ki te pāoro i te waiata rongonui a Poi E. A, i reira hoki ko te whānau a Dalvanius Prime.

Pūrongo

E puta mai ana ngā reo waiata o Poronīhia - Ngā toa o NZVMA

Raniera Harrison

Ko te kōpae pūoro huatahi a te tira waiata, The Koi Boys, arā, a 'Meant To Be' te kōpae pūoro momoho rawa atu o tēnei tau. Ā, hei tā ngā toa whakaihuwaka o te wā, he tohu o te oranga nui mā ngā iwi taketake i te rāngai pūoro auraki a haere ake nei.

Pūrongo

He ekenga tuarua mō Te Reo Irirangi o Tūwharetoa FM hei kōwhiringa toa mō Ngā Tohu Reo Māori

Mānia Clarke

He ekenga tuarua i ngā tau e rua mō te Reo Irirangi o Tūwharetoa FM, ki te whiringa toa o Ngā Tohu Reo Māori. Ko te waiata "Kōrero Tahi" a te takiwhā tīoriori o te reo irirangi ka whiriwhirihia ki te wāhanga Toi, Mahi ā-rēhia anō hoki.

Jose Clarke - Photo / File
Pūrongo

He ataata ka tīaroaro ki ngā kōwhiringa pōti

Talisa Kupenga

He kai-waiata, kai-tito waiata hoki a Jose Clark e mōhiotia ana, ko Earthfeather, kātahi anō nei, ka whakarewahia ake tāna waiata hōu, ko Legacy te ingoa, e pā ana ki ngā mahi tōrangapū i Aotearoa. Me te aha, e hāngai tika ana te aro ki nga hua o te kōwhiringa pōti i ngā rangi tata nei.