Kaupapa matua

Te Matatini 2017

Ngā pūrongo katoa e hāngai ana ki Te Matatini 2017. 

Te mea hou

Ka tū tētahi kapa tāne ki te whakataetae haka takiiwa o Jojo

Ko te whakamīharo i ngā kai-whiriwhiri tā te kapa tāne o Ngā Kete Tuku Iho e whai nei i te tuatahi o Ngā Whakataetae Kapahaka o Te Iwa o Matariki Jojo Super 9 ki Rotorua. He hui tēnei ka whakamānawa i tētahi ō rātou i hinga i tēnei tau, i a Waimarie Jolene Jojo Waaka, he tino kaihaka o Te Arawa.

Kua tukuna te mauri o Te Hui Ahurei a Tūhoe ki te marae o Mataatua

I pōwhiri ai a Ruatoki, ngā māngai o ngā kapa haka katoa o Te Hui Ahurei a Tūhoe me Te Taunuke Kororangi ki te marae. He tohu te kawenga mai o te mauri o Tamarau, ka tū Te Hui Ahurei ki konei. Ka mutu, ka āta whiriwhiri i ngā whakahaere katoa, arā mā wai ngā uri e taurima, ā, kei whea ngā kaupapa e tū nei, whērā i te mahi kapa haka me ngā hākinakina. 

Exponents of haka world pay homage to Makariini Temara

Ka tāiritia te ao haka i te hinganga o te tōtara nui, o Te Makariini Temara nō Ngāi Tūhoe, e rima tekau mā waru ōna tau, i mate atu i te pō rā i Whakatāne.  He pou nō roto i te kapa haka o Ruatāhuna Kākahu Mauku, he pātaka whakairinga kōrero mō ōna hapū o Ngāti Kuri, Tamakaimoana, he ringa tōhau nui hoki i roto i Te Whare Wānanga o Awanuiārangi ka tangihia nei.

He Amorangi - Sister Act 2

He tuakana, taina ngā Amorangi ka whakanuia i te pō nei, ko Maani rāua ko Sarah Waititi.  He kaihaka rāua mā te kapa toa o Te Matatini rua mano tekau mā rima, mā Te Whānau a Apanui.  Hai tā rāua, nā o rāua kaumātua te aroha nui ki tō rāua iwi, ki tō raua kapa, i whakatō.

Te Waka Huia honour Tūhoe links of Dr Ngāpō Wehi.

Tōna ono wiki kei te toe ki te aranga mai o te whakataetae Te Matatini ki Heretaunga, heoi ko te rōpū o Te Waka Huia tēnā e takahi ana i te ara ki ngā pānga ā-iwi o tō rātou kaiako a Tākuta Ngāpo Wehi, e ono marama ki muri nei ka ngaro. I tau atu rātou ko te kapa o Te Manu Huia ki Ngāhina Marae ki Ruatoki ki te whakamaumahara atu ki te tohunga o te haka.

Teacher did not dictate, but exemplified – Hammond Matua on the late George Pomana

Kei te mahau o te whare nānā i whakaoti a Hori Pomana e takoto mai ana. Ono tekau mā rua ngā tau o te kaiako rongonui o te hapori o Manurewa ka mate nei i te māuiui roa, ā, nā ana tauira o Te Kura o James Cook ia i whakatau ake ki Te Pou Herenga Waka Marae kia tangihia ai, i mua i tana whakahokitanga atu ki tana ūkaipō.

updated

Rangitaiki Kapa Haka festival in full swing

Ko te wā tuatahi tēnei kia riro mā Kawerau hei hautu i te taiopenga kapa haka o Te Rangitaiki, ki tā te tūmuaki o te kura e manaaki ana i tēnei huinga a Ripeka Lessels o Te Whata Tau o Pūtauaki kua tae noa atu ki te wā kia tū tētahi kaupapa ātaahua ki tōna taone.  Neke atu i te rua tekau tau tēnei hui e haere ana.

Papakura High School debut on Super 12 stage

I tū te whakataetae o Te Wānanga o Aotearoa mō ngā Kapa tekau mā rua ki Tāmaki Makaurau i te rā nei, a, he āhuatanga hou kua whakaaetia kia tuki rae ki te rae ngā kapa-a-kura ki ngā kapa pākeke ki te ahurewa. I tū wā tuatahitia te rōpū Kahurangi ki Uta nō te Kura tuarua o Papakura.