Kaupapa matua

Te Matatini 2013

Ko ngā pūrongo a Whakaata Māori mō Te Matatini 2013, me ētahi atu kaupapa whai take.

Te mea hou

Pūrongo

Ko te kapa haka o Tātai Kōreko te toa whakaihuwaka o te whakataetae Jojo Super 9 tuatahi

Ko Tātai Kōreko nō Ngāti Tūwharetoa ngā toa whakaihuwaka o te tau tuatahi o te whakataetae o Te Iwa o Matariki, Jojo Super 9's i tū ki Te Puia i Rotorua. Tū te ihiihi, tū te wanawana ki te atamira whakataetae i waenganui i ngā kapa e whā i eke ki te whiringa toa.

Pūrongo

He Amorangi - Sister Act 2

He tuakana, taina ngā Amorangi ka whakanuia i te pō nei, ko Maani rāua ko Sarah Waititi.  He kaihaka rāua mā te kapa toa o Te Matatini rua mano tekau mā rima, mā Te Whānau a Apanui.  Hai tā rāua, nā o rāua kaumātua te aroha nui ki tō rāua iwi, ki tō raua kapa, i whakatō.

Pūrongo

Kua tae atu te mauri ki Ngāti Kahungunu

Wepiha Te Kanawa

Kei roto pū i ngā manaakitanga a Kahungunu te mana whakatū i te whakataetae kapa haka ā-motu, whai muri i te whakawhitinga ōkawa o te mauri o Te Matatini ki a Rākautātahi Marae i Takapau.  Koinei te taunga tuatahi o te kōhatu e haria haeretia ana ki ngā marae maha o Ngāti Kahungunu ki te Matau a Māui, i mua i tōna ūnga atu ki te taone e whakatūria ai te whakataetae.

Pūrongo

Te tono a Te Matatini kia whakawhānui ake ngā pūtea tautoko a te Kāwanatanga

Taroi Black

Kei koni atu i te rua rau mano ngā tāngata i tae ā-tinana atu, i mātaki rānei i ngā whakapāhotanga o Te Matatini i tēnei tau.  Ko te pātai ināianei, ka tutuki pai rānei ngā tūmanako o Te Matatini kia nui ake ngā pūtea tautoko a te Kāwanatanga mō te taiopenga nui nei ka tū ia rua tau.