Kaupapa: Health

Te kaupapa eke paihikara kohi pūtea a te kapa 'Distinguished Gentleman' mō te mate pukupuku

Wepiha Te Kanawa

He kaupapa kohi pūtea a te kapa "Distinguished Gentleman" mō te repe tātea mate pukupuku ure kua whakahaerehia puta noa i te ao, he rua rau whā tekau ngā kaieke paihikara nō ngā whenua rima tekau mā ono e tūmanakotia ana ka āwhina tēnei kaupapa i ngā mahi rangahau kimi rongoā ko te mate pukupuku.

Hei tā tētahi o ngā kaieke, tā Rhys Lawrey, “Ko tāku e whai nei, ko te eke paihikara ki ngā tōpito katoa o te aō, kia tū au ko te tangata rangatahi rawa kia tutuki i tētahi kaupapa pērā, kia whakauru hoki tōkū ingoa ki te pukapuka rikoata o Guinness mō ngā hāerenga ki ngā tāone matua o te aō, e rua ngā rikoata kei te whaia e au." 

Kua toru tekau mā rima mano kiromita te tawhiti a Rhys Lawrey e eke paihikara ana, hei tōna otinga ka paungia e ia he waru tekau mano kiromita.

O ngā whenua rua tekau mā tahi kua kitea e Rhys, hei ko tāna ko te tai hauāuru o Aotearoa te tino o āna wheako.

Ko Amerika ki te Tonga kei mua i te aroaro o Rhys, e ai ki a ia, koinā tana tino hāerere.