Te inu koromatua kawa

Heeni Brown

[NB:  He whakatūpatotanga!  Ka kawa pea ētahi kaimātakitaki ki ngā pikitia o tēnei pūrongo]

Ki Kānata, arā tētahi pāparakāuta kei roto Dawson City, he piro mārika te waipiro e inumia ana e āna kiritaki. 

Tērā tētahi inu rongonui āna e kiia ana ko te 'koromatua kawa', inā rā, he matiwae koromatua nō te tangata ka āpititia ki tētahi inu.  Ko te tikanga ia me pā ngā ngutu o te kai-inu ki te koromatua, heoi, he whiunga ka ūhia atu, ki te horomia.

Ko Josh nō New Orleans Amerika, e kai ana ia i tētahi 'koromatua' kei tētahi inu waipiro e kiia ana ko 'Koromatua Kawa'.

Ko te mea kē, me kaua te tangata e kai, engari kia tūtaki kē ko ngā ngutu i te 'koromatua'.

He tikanga kua wha tekau e haere nei.  Iāianei, he ono tekau mano tangata kua uru ki te rārangi ingoa o te karapu 'Koromatua Kawa'.

Torutoru noa iho ngā wā e taea ai tēnei koromatua e takoto ana ki runga tote-margarita, e ora ai te toutou ki ngā inu waipiro.

Nā, koinā ko te aru koromatua hōu.

Rawa atu, he whakataetae kei runga pukamata - he rima mano taara te whai.

Ahakoa kua piki te whaina mai i te rima rau taara ki te rua mano rima rau taara mō te kai koromatua i konei.

Kore kore, ka tae tonu mai te tangata i tawhiti ki te whakamātauria tēnei momo tikanga.