Ngā kaupapa: Nelson Mandela, Rugby

Te hokinga mahara ki te hāereere a ngā Springboks i te tau 1981

Mere McLean

Tere rawa te hoki mahara o te maha o Ngāi Māori ki te wā i haere mai ai te kapa Springboks nō te Tonga o Awherika ki Aotearoa nei i te tau waru tekau mā tahi.  

Ko Edwin Perry, perehetini ō-mua o te uniana whutupōro o Te Matau a Māui, tētahi i hīkoi atu hei whakahē i ngā whakaaro whakawehewehe iwi i whaia e Awherika ki te Tonga i taua wā.

E ai ki a Perry, mā runga papa whutupōro e puta ai te tāne i te taitama. 

I ngā tau o te waru tekau, he toa tākaro whutupōro a Edwin, ā, i tērā wā koia te perehitini o te karapu whutupōro Māori o Te Matau a Māui, koia tētahi i tautoko i ngā whakaaro o Nelson Mandela kia whakakore i ngā tīma a iwi kotahi.

I te tau kotahi mano, iwa rau, waru tekau mā tahi i tae mai te tīma whutupōro o Awherika ki te Tonga - Springboks ki Aotearoa, ko Edwin Perry tētahi i hīkoi whakahē, ā, i porotēhi ki waho i te papa whutupōro o Macleans i Ahuriri, ka tahuri ōna whakaaro ki a Nelson Mandela me tōna whātoro hei tahuri i te aho matua o te ao.

Ko te pakirehua mō tēnei o ngā rangatira, he aha ngā akoranga kua puta mai tērā wā, ā, ki tāna he tōtara haemata kua hinga.

Ko tā Perry, "E te rangatira, a Nelson Mandela, haere, haere, haere ki te pō, ka nui te aroha o te whānau o Mandela, tēna koe, tēna koe, tēna koe."