Te arotake ki te poari o te Kura Kaupapa Māori o Whangaroa

Dean Nathan

E rima marama kua pahure no te peipeinga o te poari o tēnei kura me te urunga mai o te komihana.  Engari no te kawenga  o te take ki te kooti teitei I tēnei marama katahi ka oti he whakaaetanga i waho kē o te kōti.

Hei tā Terry Smith, “He mea nui i te whakaaetanga I waenganui ia tatou me te runanganui o ngā Kura Kaupapa Māori. He rereke te whakaaro rereke te maramatanga o te mohio o te karauna kit era kaupapa kia tatou.”

He ture taua kē te kupu whakaahua I tuhia e ngā matua kit e kawanatianara mo te urutomotanga mai o te manatu matauranga.

Hei tā Nuki Aldridge, “E kore rātou e ahei ki te whakapono he ao rerekē to taua ne. Ehara kē to taua ao i te ao Pākeha.  Na koia tēnei te ahuatanga e kite ana au I hāere mai ai rātou ki raro I tera ture te Marshall Law.  Kei reira tonu taku whakaaro.”

Na te tautoko a Te Runanganui o ngā kura kaupapa Māori I maea ai t e poari omua kit e kawe I tēnei take kit e kōti teitei. 

Na ka puta ko te whakaaetanga kia makere mai te komihana o te wā, kia arotake ngatahihia ngā tikanga urutomo a te manatu matauranga ā kia ahei hoki ngā mema o mua o te paori ki te uru ki nga pōtitanga a te tauhou.

Hei tā Nuki Aldridge,“Kua ngaoro atu tena kua timata ano tēnei.  Ahakoa tona ahua e pa mai ana kit e ao Māori engari he komihana ne ko te ao Pākeha.”

A te wa ka marama ai he aha te kaupapa tika hei toe mai ai mo tēnei kura Māori nei.