Kaupapa: BUDGET

Tahua Pūtea 2016 - He pūtea hou mo ngā take whare

Kua whakatahangia e te kāwanatanga he rua rau miriona tāra ki te hanga whare, he whitu rau rima tekau te nuinga ma te hunga me ngā whānau rawa kore e rapu kainga ana, hei āwhina hoki i te pikinga o ngā utu rēti. 

He whā tekau mā rua miriona tāra ka whakamahia hei hanga i te toru mano kainga āwhina me te whakaritenga o tētahi pūtea āwhina mo te hunga e whai whare ana. 

Toru tekau ma ono miriona tāra ka tukuna ki te kaupapa whakamahana, whakamaroke i ngā whare o te motu. 

Kotahi rau miriona tāra ka hāere ki te kaupapa ā te kāwanatanga me te whai ki te whakawātea wāhi whenua ki Tamaki hei wāhi hanga whare hou. 

Ki tā te kaiwhakahaere o te rōpū Reipa, ki ta, Andrew Little he maramara noaiho taua pūtea e kore hoki e tāea te whakatika i ngā raru ā whare ki te awhi hoki i te tokomaha o ngā whānau e raru ana i ēnei ra.