Super 8 event displays thrilling fights

By Te Kāea

Tuia ki tēnā, i puta toa mai anō a Monty Betham i tāna tukinga ki a Adam Hollioake. Koinei tā Betham wikitōria tuawhitu. 

I roto noa i te kotahi miniti me te hāwhe, i mārama te kite, ko Betham te tino toki.  I māia ā Hollioake mahi ātete, ā, ehara ia i te tauhou ki te rīngi, he toa kē ia i te ao mekemeke, MMA hoki. 

Heoi, Nā te tere me te pakari o ngā nekehanga a Betham, i hinga ai a Hollioake, e rua ngā wā. Nā konā ka whakatūhia e te kaiwawao te whawhai. 

He rerekē anō te kōrero mō te whawhai tuatangata nei ki waenganui i a Jesse Ryder me Cameron Slater. He whawhai kotahi miniti te roa. 

Tekau mā whitu kirokaramu te rahi i whakahekea e Slater mō tēnei whawhai, heoi, i mōhio kē, ka kore a ia e eke nā te koi o Ryder. 

I hinga kē a Slater i roto i te miniti tuatahi, mea rawa ake, ka raru anō ia, ā, hinga tonu atu.

Tuaritia: