Kaupapa matua

Poitarawhiti

I te wiki nei, ka rere ko ngā pūrongo a Whakaata Māori i te whakataetae poitarawhiti Lion Foundation ka tū ki Tāmaki Makaurau, 14 ngā kapa e tohe ana mō te taitara toa.  Whakapā ki tēnei ara hono mō ēnei pūrongo me ētahi atu kaupapa whai take.

Te mea hou

Pūrongo

Rauna 4 ANZ Championship

Rahia Timutimu

Ki te rauna tuawhā o te whakataetae poitarawhiti ANZ, i kōrero mātou ki te kaitākaro o mua o te kapa Rarauwhe Hiriwa ki a Courtney Tairi, me ōna whakaaro mō te rauna e whai ake nei, ko tētahi o ngā tukinga ko te wikitōria tuatahi mā te kapa Magic rānei, mā te kapa Stars rānei.

Pūrongo

Southerners 'steel' the win from Mystics

I reira katoa te kaikaupare o te kapa Southern Steel, a Te Huinga Selby Rickit i te hinganga o te kapa Mystic i a rātau nō nā pō nei ki Waihōpai.  Ko te tatau whakamutunga e rima-tekau-mā-ono ki te rima-tekau-mā-rua, ā, e noho hāneanea te kapa Steel ki te tūranga tuarua i te whakataetae ANZ.

Pūrongo

Me kaha ake ngā kaitākaro ANZ

Rahia Timutimu

I a tātou e koke ana ki te rauna tuatoru o te whakataetae ANZ Premiership, i kōrero mātou o Te Kaea ki te toki poitarawhiti, ki a Courtney Tairi, me ōna whakaaro mō te whakatahanga o tētahi kaitākaro e te kaiwawao, he tohu pea kei te mārō ake ngā whenua o te ao i a tātou, ā, ki te pēnei tonu, ka noho tonu pea a Aotearoa ki ngā taumata o raro.

Pūrongo

Ko ngā Tactix kei runga

He manawatītī, he manawa hiwahiwa hoki nō te kapa Tactix i puta ai ō rātau ihu i te tukinga ki te kapa Northern Mystic ināpō.  E ora pai ana ngā Tactix i tēnei wā i te toanga o rātau i ngā kēmu e rua o roto mai o te rua.  He whanaketanga nui tēnei, tērā i te whakahaere o te tau kua hori i mutu mātāmuri mai ai rātau.

Pūrongo

E hao ana te rangatahi

E 652 ngā rā mai i te hinganga whakamutunga o te kapa Southern Steel, ā, i te hokinga mai ki te pakanga i tū ai i ngā whiringa whāiti o tērā tau, ko te kapa Pulse kē i wikitōria.  Toa ai te tīma tamariki katoa o te whakataetae ināpō 62-51.  Ko ngā ngākau o te marea i mau i ngā kaitītere pōtiki o te kapa Pulse me te aha e puta ana ināianei o rāua rongo ki te motu whānui.

Pūrongo

A 'Super Sunday' for Netball

Tīmata ai te whakataetae poitarawhiti a ANZ i ngā rangi okioki nei me te aha kitea ai te kaha o ngā kapa katoa i tēnei, te rauna tuatahi.  Ko te kapa Pulse tērā i āki i te kapa Mystics kia puta ai ō rātau ihu.  Heoi anō, ko te tukinga i tino tutū ai te puehu, tērā ko ngā Stars me te Tactix, i pakanga mō te hemo tonu atu i te whakaroanga o te kēmu e kitea ai ko wai ka hua ko wai ka tohu.

Pūrongo

International players back to their roots for ANZ Premiership

Hei te mutunga wiki whakarewatia ai te whakataetae ANZ Premiership, ā, hei reira auraki mai ai ngā kaitākaro o te kapa Rarauhe Hiriwa ki ō rātau kapa ā-rohe.  Whakanōhia ai ngā Rarauhe Hiriwa mō te rua wiki, nō te hokinga mai i ngā Whakataetae Hoawhenua, ā, ko te Arotake a Poitarawhiti Aotearoa tērā e kōrerohia tonutia ana.


 

Pūrongo

Ka hao te rangatahi ki te hui ā-tau a ANZ

E kainamu mai ana Ngā Taumahekeheke Poitarawhiti ANZ, ā, ko ngā kapa toa o te motu e karapinepine atu ana ki Ōtaki ki te whakatutū i te puehu ki te hui ā-tau a ANZ.  Huia ai ko ngā ika-a-Whiro me ngā torekaihuruhuru o te ao poitarawhiti ki te pakanga.