NITV to launch free-to-air service

I whakamānu te waka o NITV i te 2007, ka mutu, ka pāoho tuatahitia i runga i a Pay TV anahe. Heoi i te marama o Pipiri ka tūhonohono a NITV ki SBS, nā wai rā i roto i ngā rima marama kua whakapeto ngoi te rōpū nei ki te waihanga hōtaka hou pēnei i ngā hōtaka kawe kōrero.

Kei te hūpekepeke te wairua o nga kaimahi o NITV i te rā nei i te mea ka pāoho tuatahitia tō rātou teihana mai te iti ki te rahi ki ngā moka katoa o Ahitereiria āpōpō.

I tahuri te Tāhuhu Rangapu o NITV, a Tanya Denning, ki te whakatau i ngā āwangawanga, i te anipā o āna kaimahi i mua i te whakarewanga āpōpō.

I Ahitereiria te Kaiwhakahaere Matua Kawepūrongo o Whakaata Māori, a Te Anga Nathan, mō te kotahi marama kua pahure e tautoko ana i te hunga nei mō te whakarewanga nui.

Hei tāna, he hokinga mahara ki tērā o Whakaata Māori i te tau 2004.