Kaupapa matua

Ngā Whakanuitanga ki Ratana Paa

Ko ngā pūrongo a Whakaata Māori o ngā whakanuitanga ki te Paa o Ratana mō te wiki o te 25 o Kohitātea i a rātou e whakanui ana i te huritau o Tahupōtiki Wiremu Rātana.  He wā ka kitea hoki ko ngā mema pāremata e taetae atu ana ki te paa.

Te mea hou

Pūrongo

Kā werohia te Kāwana ki Rātana mo te TPPA

Heta Gardiner

I whakaeke atu kō Te Ariki Tā Tumu Te Heuheu, ā tōmuri mai ko te Kīngitanga me āna rahi. I whakatakotoria ko ngā āwangawanga mō TPPA ka tamokohia a te tuawhā o Hui-Tanguru. 

Pūrongo

E tū māia ana te mema pāremata o Reipa ki tōna tūrangawaewae i Rātana Pā

E whakapono ana te mema o Te Tai Hauāuru a Adrian Rurawhe, ka turakina a Nāhinara e Reipa i te pōtitanga o te tau rua mano tekau mā whitu.  I tōna tūrangawaewae, i Rātana Pā, ko Rurawhe hei ringa rāhiri i te hunga tōrangapū i tēnei wiki, heoi, arā ētahi e mea ana kua rerekē i a ngāi tōrangapū te wairua o te hui, tōna tikanga, hei whakanui i a Tahupōtiki Wiremu Rātana.

Pūrongo

Kua kawea te pou tikanga hōu o Ringatū ki te pā o Rātana

Heeni Brown

E whā rau ngā pononga o Te Hāhi Ringatū i eke ki runga i te pā o Rātana i te rā nei, ki te kawe i te pou tikanga hōu o te hāhi, i a Wirangi Pera, ki mua i te aroaro o te Iwi Mōrehu.  He tūāhuatanga tēnei kāre anō kia kitea i ngā tau toru tekau mā toru ki muri.