Kaupapa matua

Ngā Take Hauora

Ko ngā pūrongo a Whakaata Māori mō ngā taipitopito o ngā take hauora huhua, me ētahi atu kōrero whai take.

Te mea hou

Pūrongo

E whai ana tētehi tama 10 tau te pakeke kia whakaora i te ngākau o ngā tamariki

Ko te āwhina i ngā mahi haumanu i ngā tamariki mate manawa te aronga nui a Ethan Hayes, he tekau tau tōna pakeke. Ko te eke paihikara te mahi a te kaitoko i te ora nō Ngāti Porou nei, i te Whakamātautau Eke Paihikara o Taupō, hei kohi pūtea mā Tamariki Mate Manawa o Aotearoa.

PoiFit a hit in Rotorua - Image / Te Kāea
Pūrongo

E rata ana te whakakori tīnana hōu o POIFIT i te rohe o Rotorua

Ki Rotorua, he kaupapa whakakori tinana hōu a POIFIT e kōtuitui ana i ngā pukenga o te mahi poi ki ngā mahi whakakaha ake i te taha runga me te taha raro o te tinana. Tōna rima tekau ngā apataki he mātau, he tauhōu hoki ki ngā mahi poi ka kuhu atu ki ngā ākoranga, ka tū ia kotahi pō o te wiki.

Pūrongo

Ka whakatairanga i te hunga pōkaikaha o Rotorua i te Rā kāinga kore i te ao

Ki Rotorua, e ai ki tētahi rīpoata o Lifewise kua pū rua neke atu te rahinga o te hunga noho kāinga kore i te taonenui i ngā tau e toru kua hipa. Nā whai anō te tū o tētahi ratonga toko i te wairua, aukati waranga anō hoki ki te whakatairanga i te take nui nei i tō rātou hapori.

Pūrongo

He wāhi āwhina mō te hunga pōkaikaha ki Rotorua

He whare atawhai hōu kua puare ki te puku o te taone o Rotorua, he tuku kai kaare he utu, he koha kākahu, taputapu whare, ratonga toko i te ora hoki ki te hunga o te hāpori e noho pōkaikaha ana. Nō te Mane ōna tatau ka tuwhera, ā inā te nui o te hunga kua toro atu ki te kimi āwhina. 

Psych grads - Photo / File
Pūrongo

Kei te whakapau kaha kia piki te hauora hinengaro Māori

Me maha ake ngā Māori ki ngā ratonga mātai hinengaro, koia tā te Kaimātai Hinengaro a Tania Gilchrist (Tūwharetoa, Kahungunu). Ko ia tētahi o ngā raukura i whakanuia ki te pōtaetanga tuarua o te tau o ngā tauira Māori ki Te Whare Wānanga o Tāmaki Makaurau, ki Waipapa Marae.

Pūrongo

Kei Whangarei a Mana Tāne Ora

Heeni Brown

​E ai ki a Mana Tāne Ora o Aotearoa, ko te maha o ngā matenga tāne Māori ki Aotearoa kua tōpū i ō ērā o ngāi tāne tauiwi. I haere atu ai te rōpū nei ki Whangarei, ki reira kōrero ki ngā tāne Māori me pēhea rā e piki ai tō rātou oranga tonutanga. 

Suicide Concert - Photo / File
Pūrongo

Ka whakatōpū te hapori o Tauranga Moana kia kāti ai te mate whakamomori

Kei te tū tētahi kōnohete, Into the Light – ASAP, hei whakamataara i te iwi whānui ki ngā mea kikino o te whakamomori. Nā te hapori o Tauranga taua kōnohete i utu i muri i ētahi mate whakamomori ki te rohe i roto i ngā marama e toru ki muri.

Teina Trust - Photo / File
Pūrongo

Kua whakawhānuia ake e te whānau o Teina Terei te rehita tuku toto tuku mongamonga anō hoki

Talisa Kupenga

E whakamaumahara ana a Pio Terei i tana tamaiti pōtiki māte kaupapa akiaki i te rangatahi Māori Pasifika kia tuku i o rātou toto, mongamonga hoki. I tēra tau i hinga a Teina Terei i te mate totomā, engari mā te kaupapa Trust Teina ka puta pea he oranga ki ētahi atu.