Kaupapa: Kapa Haka

Ngā Kapa e whā ka hāere ki Te Matatini mā Aotea waka

Wepiha Te Kanawa

Tokowhā ngā kapa haka no te waka o Aotea ka whakaeke atu ki te papatūwaewae o Te Matatini ki Ōtautahi a tērā tau. Tekau mā toru ngā kapa i haka atu ki te marea, heoi kōtahi noaiho te kapa i whakaingoahia te tino kapa o te rohe.

Anō nei he reo nō ngā Anahera. Ko Te Reanga Mōrehu o Rātana ngā whakaihuwaka o te whakataetae, i ū ki te turanga tuatahi.

Ko ngā kupu o te Māngai, me ngā whakaakoranga o Tahupōtiki Wiremu Rātana te kiko o ngā waiata.

Ko te kapa nō Waitara Ngā Purapura o Te Taihauāuru i eke ki te tūranga tuarua.

Koinei tā rātou tū tuaiwa ki ngā whakataetae a rohe, ko Te Matapihi i eke ki te tūranga tuatoru.

Ā ko te kapa i riro i te tūranga whakamutunga o ngā whiringa toa tokowhā ko Tūtū Kāi'ika.