Mike Tana - te koromatua Māori tuatahi o Porirua

Ko te hiahia a te Koromatua hōu o Porirua, o Mike Tana, tēnā kia whai wāhanga ai te Māori ki te kaunihera ā-rohe. I kuhu tōmuri atu a Tana ki te kōhwiirnga kahika i te marama o Hereturikōka, mea rawa ake, ka eke, mā te kotahi rau, e whā tekau pōti noa iho. Ā, kei roto i āna mahi i te rā nei pea te take i whakaihuwaka ai ia.

I tana rā tuatahi hei koromatua mō Porirua, he aha te mahi a Mike Tana? He aha atu, he purei kitā ki te taha o ngā Māori i te taone.

Koinei pea tētahi o ngā take i whiwhi ai a Mike Tana i te tūranga nei, ahakoa nō te Hereturikōka noa nei ka uru ai ia ki te whakataetae. He whakatau i roa ia e āta whakaaroaro ana.

I wikitōria tonu ia, ēngari ko te wehenga i waenganui i a ia me te tuarua he 140 pōti noa. Engari mō ana kaitautoko, he wikitōria, te wikitōria.

Ko ia te koromatua Māori tuatahi o Porirua. Ko ia hoki tētahi o te tokoiti, kua eke ki tēnei taumata. Engari ko tāna he wāhi nui tā te Māori ki waho hoki o te kaunihera.

Tuaritia: