Mauao dedicate their win to former team mate who passed away

Mere McLean

Ki te Moana a Toi, kua riro i Te Wharekura o Mauao te taonga whakamaumahara ki a Bill Hill mō te kapa whutupōro toa kura tuarua o te rohe. I tuki rātou ki te kapa o Kaitaorotohokahoka ā, ināeanei ka riro mā te kura Māori nei te rohe e whakakanohi ki te whakataetae ā-motu.  Kei a Mere McLean ngā whakamahuki. 

Nā Bailey Matoe, kai-urungi mo Te Wharekura o Mauao ngā kaute tuatahi I tana whakawhiti i te pae, tekau miniti ki roto i tēnei tukinga ki te kapa o Kaitaorotohokahoka.

Māmā noa mo Te Rangi Hika o Mauao, te piro tautoko. He tukinga ā tinana tēnei ma ngā kapa e rua, rae ki te rae, pokohiwi ki te pokohiwi, pae tū, pae hinga.

Nā wai ra ka kite a Kaitaorotohokahoka i ngā hua o te anga whakamua, ka riro i a rātou te whana hāmene, hei reira puta ai ta rātou ihu. 

I mua i te paunga o te wehenga tuatahi kua puta te ihu o Mauao tekau ma wha ki te toru. 

Kāre e roa i te wehenga rua ka riro i a Kaitaorotohokahoka i te whana hāmene. Engari he nui ngā hapa ā-ringa mai ngā taha e rua.  Ka piro anō a Mauao, heoi kāre i eke i te whana tautoko. 

Kua piro a Brodie Wood o Kaitaorotohokahoka, nāna hoki te whana tautoko i whakatutuki.  Nā wai ra kua piro anō rātou, kua puta te ihu a Mauao mā te kotahi piro anake.

I toa Mauao tekau mā iwa ki te tekau mā waru, ā, e ai ki te kai-urungi he tohu whakamahara te toahanga mo Kereopra McDonald, he tauira ō mua i mate i tērā tau.

Hei ta Matoe, “He tino piri ngā tama ki roto i tēnei tīma, koia he tuakana, teina ki a mātou, ā, nō reira koira te take i whawhai ki te mutunga me kī.”

E ai ki te kaiako o Heights a Stephen Smith, “We lost a lot of players from last year at the beginning of the season I didn't I through we would find it difficult to make it to the finals this year.  But this is the only second game we have lost all year and it's been to Mauao both times.”

Hei tērā wiki ka haere a Mauao ki te Tonga o Tamaki ki reira tūtaki ai i to rātou hoariri hōu.