Kaupapa: Entertainment

Māori centre stage at Volcano Bay opening

Ka tū matua te manutīoriori a Maisey Rika me ngā kaihaka a te rōpū mahi ā rēhia o Pounamu i te puaretanga o te papawhakangahau kaukau hōu o Universal Orlando e kīa ko Volcano Bay.  I rere aorangi te whakapuaretanga ki te ao, ā i kitea kia waru rau mano neke atu i a Pukamata. 

He āhuareka ki te marea inā te reo pārekareka o te manutīoriori a Maisey Rika me ngā mahi ā rēhia a te kapa o Pounamu rātou ko ngā kaikanikani nō ngāi moutere.

Ko tā Tapeta Wehi, Pounamu Performing Arts, "Nō mātou kē te whakamānawa, te hōnore, kawe mai i ngā taonga ā kui mā, ā koro mā ki runga i tēnei whenua."

E rima marama te roanga hei whhakatikatika i te ngahau, me ngā kaikanikani wai o Vanuatu, Hawaii, Tahiti, Rarotonga Hāmoa me Tonga.

Hei tā Rewi Spraggon, Kaitohutohu (Opening Ceremony), "Kua ohorere tēnei kaupapa i roto o Universal Orlando, nō te mea, he maha ngā momo kaupapa o tēnei papatākaro engari ko tēnei nā, ka mea mai ngā kaimahi mahitia, mai rānō tēnei te tuatahi kua kite atu te wairua, te haa, te mana i roto i tō rātou wāhi papatākaro."

Ko tā Wehi, "Nā Pāpā tēnei kamupene me kī i whakatū i ngā o te waru tekau mātou o Pounamu, mīharo katoa, mīharo katoa ki te tūtaki i ngā whanaunga o Te Moananui a Kiwa i konei ki tēnei whenua me ngā whanaunga o te haukainga." 

He moutere a Volcano Bay i te moananui ā kiwa, nō te iwi o Waturi te whenua, i ahu mai i te whakaaro o Dale Mason e ono tau ki muri. Ka kitea ngā tohu Māori me ngā mihimihi.

Hei tā Spraggon, "Ko te tino hiahia kia tukuna tētehi kōhatu mauri hei hopu katoa te mana o tērā motu, o tērā motu o tērā motu. Wētahi ngā mea e noho ana i konei he iwi taketake, ngā mea e piri ana ki a Pōtāriko. Engari taku karanga atu ki a rātou, horekau anō kia kite tērā te mea pōuri ki a mātou ko ngāi Māori kia tuku te mauri ki tēnei kōhatu Māori ki ngā iwi kāinga, engarī kore taea i tēnei wā, engari, i tono atu ki ngā kaiwhakahaere me kī o te wāhi nei, mā rātou anō e tiaki te mauri."

Ko te manako ia ka tū anō te kapa o Pounamu ki reira, hei ngā mamara o te raumati.