Kaupapa matua

Mandela

E tangihia ana, e poroporoāki ana a Tā Nelson Rolihlahla Mandela e te ao whānui.  Koinei ngā kohinga kōrero motuhake a Whakaata Māori mō Tata Madiba.

Te mea hou

Pūrongo

E whakahē ana a Key i te haerenga a Harawira ki Awherika ki te Tonga

Heeni Brown

He tao kupu e whiua reretia ana e te Pirimia mō te haerenga a te kaiārahi o te Rōpū Mana ki te tangihanga o Nelson Mandela.  Nā ngā pūtea o Pāremata mā ngā kaiārahi i ngā rōpū tōrangapū o pāremata tana haerenga nui ki te tonga o Awherika i utu.

Pūrongo

He whakanuitanga e haere tonu ana mā Madiba i Awherika ki te Tonga

I te Tonga o Awherika, e haruru ana ngā pito o te whenua rā i ngā whakanuitanga a ngā iwi mō Nelson Mandela.

Kei waenganui i ngā iwi hau kāinga, ko te mema pāremata Māori o te Tai Tokerau, ko Hone Harawira kua whakawhiti ā-tinana atu ki te poroporoāki atu ki tētahi tino tangata, hei tā Harawira, i para tētahi ara nui whakaharahara māna hei whai.