Kaupapa: Arts

Mai i Pilsen ki Woodville

Dean Nathan

I ako a Gottfried Lindauer ki te peita pikitia i te whare toi mana nui o Vienna, ā, ko tāna haerenga mai i Pilsen i te rohe o West Bohemia i Czech Republic, me āna mahi peita pūrakau karaipiture, ki Aotearoa peita ai i ngā āhua o ētahi o ngā rangatira mana nui o te ao Māori, he haerenga whakaharahara tonu.

Ā tērā wiki, ka whakapuakina ake he kohinga o āna mahi, whā tekau mā waru pikitia te nui, ki tōna iwi kāinga.  Ki te Whare Toi o West Bohemia tuwhera ai a Gottfried Lindauer. The Māori Portraits, ā, hei whakarei i te hokinga o ngā mahi toi nei, ko te kawenga anō o te mate o te ringa toi rongonui, i hinga i Woodville i te tau 1926.

Ka ruku a Dean Nathan i ngā kōrero mō te pūtaketanga mai o Lindauer, ā, he aha hoki ia i haere mai ai ki Aotearoa. Te Kāea, 5.30pm.