Labour critisies National/Māori Party's $1bil housing fund

E wera ake ana te totohe take whare i te wero a te rōpū Reipa ki te kāwanatanga i te rangi nei me te kī, kaare he paku āwhina i te tahua whare, he kotahi piriona tāra te nui, hei awhi i te hunga pōkaikaha.

Hei tā te kaiārahi o Reipa, nā Andrew Little me ngā kaitorangapu a Phil Twyford, a William Sua Sio rātou ko Meka Whaitiri te mānuka i whakatakoto ki te kāwanatanga me te Pāti Maori, ko te hunga rawakore ka mahue i roto i te kaupapa whare a te kāwanatanga.

Kua kotahi atu te pirimia ki te kaupare i te wero mo ngā take whare i Aotearoa.

Tere tonu te whakautu a Reipa ki ngā painga o taua rautaki whare, ā e haere tonu ana nga wero i te Kāwanatanga.

E ai ki te Minita Take Whare a Nick Smith ki Te Kāea, kua whakakanohi atu ngā iwi ki te tēpu a te kāwanatanga kia whakawātea i ngā whenua mo te whakatū whare ki Tāmaki Makaurau.

“We have three quite specific projects before Auckland iwi that may choose to pick up if they can provide a competitive bid for new housing.”

E ai ki ngā nama a Nāhinara, kā whakatū ngā whare waru tekau mā rima mano i tēnei wāhanga Paremata. Engari nā Hone tonu te kī ehara tēnā i te nawhe tonu.

“House prices are going up faster than the government want. There's no getting around it, if we want to get around we need to keep the pressure on.”

Ehara te arongonui a Reipa ki ngā take whare i te oruatanga, ko te whakapae ka puta he puakitanga mo ngā take whare hei te Rātapu e tū mai nei.