Kua whiua a Ormsby e te kōti mō te mau tarukino i Bali

Te Kāea
Leeza Tracey Ormsby

He tekau marama ki rō herehere te whiu ki a Leeza Ormsby, mōna i whakaae ki te whakapae mau momi tarukino i a ia e hararei ana i Bali.

I urutomongia te whare i te nōhia e Leeza i te marama o Hui Tanguru, ka kitea ake he taimiri Ecstasy me te rehu hashish, ā, he momi tarukino i kitea ki te pāhi a Ormsby.

I te mutunga iho ka hāmenehia noatia ia mō te momi tarukino kotahi.

Ko tōna tikanga, he tekau mā rua tau te roanga o te whakawhiu i taea rā te uhi i raro i te hāmene nei, heoi nā te tohe ake a tōna rōia, ehara kau ia i te kaihoko tarukino, i te kaimomi kaha rānei, ka tau te aroha o te kōti ki runga ki a ia. 

I te tekau mā rua o Hui-tanguru mauheretia ngā pirihimana e Leeza, whai muri i te whakaputanga a Schapelle Corby, e noho ana a ia ki tētahi whareherehere i Indonesia mō ngā tau e iwa.