Kaupapa: Christmas

Kua whakatōhia e te Whare Mihana p Tāmaki i te wairua o te Kirihimete ki te maha no o ngā whānau

Te Kāea

Kua tau mai te Kirihimete mō te Whare Mihana o Tāmaki Makaurau, mō rātou, ko te ngana ki te whāngai me te tohatoha i te aroha o te Kirihimete ki te toru mano i tae atu ki te hākari nui.

He aha te tangi o te Kirihimete? Mō ngētahi whanau ko te mamae, mō te whanau o Hare Wihongi i tēnei tau, ko te tangi o te aroha.

I awhi mai a Georgina Nathan me tōna rōpu a Manukau Urban Māori Authority ki te haria mai i te whānau Wihongi i te wā i pakaru tō rātou waka, ahakoa kāore rātou e tino pohara, e noho ki ngā tiriti rānei, kua kitea tēnei whānau i te rerekē o tēnei mea te uaua hei te wā o te Kirihimete, e kore rawa e whakamā kia toro atu ki te ringa awhina o te Whar eMihana o Tāmaki.

Ko tā Hare Wihongi, “tēnei te taima ki te awhi i a ratou, me ngā iwi katoa o Aotearoa, mena he mā, he pango, he aha rānei, kaua mātou e wehe ia rātou.”

I timata tēnei kaupapa i te hōro o Tāmaki Makaurau, rua-tekau-mā-rima tau a muri ake, kei te haere tonu a Auckland City Mission me ta rātou kaupapa ki te whāngai i te pani, me te rawa kore, i tēnei wā, koinei te wā tuatahi a Hare Wihongi me tōna whanau.

Kua kī te whare i te aroha mō te Kirihimete, kaore anō kia whakatau mehemea ka hoki mai te whānau hei tūao, hei huanga rānei.

Ko tā Hare Wihongi, ‘Ka nui tāku aroha ki ngā kaimahi o tēnei whare, me tetahi atu mea, pai katoa taku aroha ki taku whanau, ko rātou ngā mea tuatahi o tōku ngākau.”