Kua whakaihuwaka te kapa kukume ripene tāne matua Māori

Tamati Tiananga

Kua toa i te kapa Māori te whiringa toa tāne o te whakataetae Ipu Oceania mā ngā iwi taketake i te hākina kukume ripene i tū i ngā rangi okioki. Ahakoa te whakaheke tōhau a te Iwi Lebanon e noho kāinga rua ana i Ahitereria, ka mutu, ko te kapa Maori kē i eke hei toa i te reanga ika-a-whiro tāne i tēnei tau i roto i te wā tāpiri he whitu māka ki te ono.

Tērā ka kitea ake te haka taparahi hei whakakipakipa i te manawa i mua i te muranga o te whiringa toa.

Ā, ko te kapa manuhiri a Australian Lebanese te kapa tuatahi i ū atu ki uta

I te tukinga nei e rua ngā piro rua māka, he pironga kotahi māka hoki i tutuki i te kapa Māori

Engari mō Lebanon, he kotahi te piro rua māka, e ngā toru piro kotahi māka te whakatutukihanga a nga manuhiri.

I taurite ngā kaute i te rima māka, kia puta te tukinga nei ki te wā tāpiri, me te aha, ka whakahekea ngā kapa kia tokorima anahe ngā kaitākaro ki ia taha

Ko te kapa Lebanon te tuatahi i eke panuku

Hēoi i whakapeto ngoi tonu te kapa Māori, e rua ngā pironga i tutuki kia toa ai.