Kua puta mai a Tāwhirimātea kia kaha kitea hei hoa haere mō Te Tai Tokerau me Tāmaki Makaurau

I ohorere pai ngā kainoho o Te Tai Tokerau heke iho ki Tāmaki Makaurau inapō i te wepunga kaha nei o rātou me ō rātou rawa, whenua hoki e Tāwhirimatea i ngā pānga o huripari Ita. Ko tētahi o ngā wāhi kia pākia kinotia e te waipuke ko te taha rāwhiti o Tāmaki Makaurau nei, e ai ki te hau kainga, kāore anō rātou kia kite tēnei momo waipuke o mohoa.

Ahakoa kāore tētahi i whara, he manomano ngā kainga i noho hiko kore, arā tonu ngā wāhi i waipuketia me ngā rawa i pakia i ngaa rohe o te Tai Tokerau tau mai rā ki Tamaki Makaurau i te whiore o Awha Ita e heke haere ana i te mata o te whenua.

Ahakoa tau ana te rangimarie inaia, ko te rori matua o Tāmaki nei, tētahi o ngā wāhi i waipuketia katoatia e ngā āhuatanga i tau mai i te ata. I piki ake te wai ki ngā hope o te tangata i ētahi wāhi, nā whai anō i whakakapia ngā rori mō te roanga o te ata.

Mea rawa ake ka raru ko te hunga haere ki te mahi.

Ka heke whakararo ngā pānga o Awha Ita, ko te tūpato inaianei ki ngā rohe i Te Puku o Te Ika.