Kaupapa: Entertainment

Kua mate tētahi whai muri i tāna whakamātautau X-Factor

He tāne no Aotearoa kua mate, whai muri i tāna ngahorotanga i a ia e whakariterite ana kia whakamātauria mō te hotaka X Factor.

E 33 tau te pakeke o Edward Andrews, i pakeke ake i Wainuiomata.  I te tatari ia i te rārangi, kātahi ka ngahoro, ā, mate noa atu. E ai ki tōna pāpā, ki a Edward Andrew Snr, i wehe atu tāna tama ki Poihakena i ngā tau 10 ki muri, ki te mahi hei kaitaraiwa waka uta. Hei te Wenerei, haere atu ai te pāpā ki Poihākena mō te tangihanga. Kaore ngā kai-wawao rongonui i reira i te wā i hinga a Edward.

Kairīpoata:  Mihingarangi Forbes