Ngā kaupapa: Crime, Child Abuse

Kua hoki a Pearson ki te kōti

Ko tētahi o ngā tāngata i mauheretia mō te tūkino i a Nia Glassie, kua tū anō ki mua i ngā kōti.

Ko Michael Pearson, e 26 tau te pakeke, i tū ki te kōti ā-rohe o Rotorua, me tāna whakaae atu ki ngā whakapae mō te mahi totoa e whai pānga ana ki tētahi mahi i te ara o Tūtānekai i Rotorua, mō te mau ngongo momi tarutaru hoki. Nō te 27 o Tīhema i tērā tau ēnei hara ōna.

Ā, i whiua a ia e Tiati McGuire ki te 40 haora mō ngā mahi i te hapori. I te tau 2008, i mauheretia a Pearson mō ngā tau e 3 mō te tūkino me te haupatu i a Nia Glassie, e 3 tau te pakeke, i mate nā ngā ringa tūkino i pā ki a ia i ngā marama huhua.

I wehe atu a Peason i te whare herehere i te tau 2010, ā, i mutu ngā tikanga tukuhere mōna i te paunga o Kohitātea i te tau 2011.

Kairīpoata: Mihingarangi Forbes.