Kaupapa matua

Koroneihana

Ngā pūrongo a Whakaata Māori e hāngai ana ki te Koroneihana o te kīngi Māori, o Kīngi Tuheitia, ngā kaupapa kua whakaritea mō tēnei wiki o te tau, me ētahi atu kōrero e pā ana ki te iwi Waikato-Tainui.

Te mea hou

Pūrongo

E ea haere ana te moemoeā o ētahi whānau Māori ki te hoko whare

Mānia Clarke

E ea haere ana te moemoeā o ētahi whānau Māori ki te hoko whare i te tīmatatanga o ngā mahi hanga whare hōu e waru tekau ki Kirikiriroa. Hei tā te Tumu Whakarae o Waikato-Tainui, ka whiwhi kāinga hōu ngā whānau uri e rima tekau i te kaupapa hanga whare tekau mā tahi miriona tāra te utu, o Te Kaarearea me Te Kaporeihana Whare o Aotearoa.

Pūrongo

Ka āta tirotiro ngā marae o Waikato-Tainui ki ngā tikanga me te ture o ngā tangihana

Mānia Clarke

E āta tirotiro ana ngā marae o Waikato-Tainui i ngā tikanga me ngā kawa i te tūpāpāku kua mate ohorere me ngā whakahaere tangihana. Hei tā te hiamana o Ngaa Marae Toopu, hei tā Brad Totorewa he wānanga kia hīkoi ngātahi ai te tikanga me te ture.

Pūrongo

He kai menemene reo ka tukuna e Makitānara

Mānia Clarke

He kai menemene mō te kaimahi Makitānara, i te rerenga o te kupu whakapāha a te rangatira o tana whare mahi, mōna i wenerautia mō te kōrero Māori. Hei tā Janine Eru-Taueki ko te taunga o te whakaae kia rere noa ai te reo Māori i te hunga kaimahi te mutunga tonu mai.

Pūrongo

He urupare te whakahoki a Kiingi Tuuheitia ki te hunga whakahē

Mānia Clarke

He urupare te whakahoki a Kiingi Tuuheitia Potatau Te Wherowhero VII ki te hunga nō roto mai i tōna iwi e whakahē ana i tōna tari. I tana kauhau tuangahuru mā rua, he kupu mākoi te rere ake i te kīngi Māori.

Pūrongo

Ka whiua ngā whakahē ki te pouhāpai o mua o te Kiingi e ngā pononga

Mānia Clarke

Ko tētahi o ngā tino uepū Māori ā-motu kei te rongo i ngā whakawhiu a te hunga pāpāho. Kua kotahi rau, e ono tekau tau te Kiingitanga e tū ana, ā, hei ngā rā okioki whakanuia ai te tau tua ngahuru mā rua o te noho a Kiingi Tuheitia Potatau Te Wherowhero te tuawhitu ki te ahurewa tapu o ōna mātua tūpuna. Heoi, ko tōna mana, kei te werohia.

Pūrongo

Peeni Henare reflects 12-years since death of Māori Queen

Mānia Clarke

Koianei te rā, i ngā tau tekau mā rua ki muri, i mate atu ai Te Arikinui, a Kahurangi Te Atairangi Kaahu. Ko tā te mema pāremata Māori o Tamaki Makaurau, he whakahoki mahara ki Te Arikinui, he arotake hoki i te Kingitanga i ēnei rā. Nāna te whāruarua o tōna matua i whakakapi hei mema o Te Tekaumārua.

Pūrongo

Kua oatitia te kaiwhakawā wahine Māori tuatahi o Waikato ki tōna marae ūkaipō

Mānia Clarke

Ki Waikato, ko te tiati Māori hōu ko Tinimiraka Victoria Clark i whakawahia ki te aroaro o tōna marae Te Kotahitanga. Ko te uri o Waikato te kaiwhakawā wahine tuatahi ia ki te kōti taihara. 

Pūrongo

He whakaaturanga hei whakamānawa i ngā māreikura tokowhitu nō te waka o Tainui

Mānia Clarke

Tokowhitu ngā māreikura nō te waka o Tainui e whakamānawatia ana e tētahi whakaaturanga e kīa nei He Toa! He Wahine. He tuatahitanga te whakakitenga nei hei whakamaharatanga i ngā tau kotahi rau ono tekau e tū nei Te Kiingitanga, te kotahi rau rua tekau mā rima o Suffrage mō Ngā Wāhine me te tau hōu Māori o Matariki.

Pūrongo

E kōkiri ana a Tuku Morgan me heke iho te tangata i te pūtake o te whakatewhatewhanga a Te Tari Hara Tāware

Mānia Clarke

Tērā te karanga ki te tangata kei te pūtake o te whakatewhatewhanga a Te Tari Hara Tāware ki te Tari o te Kīngitanga, me heke ki rahaki ināia tonu nei kia tau rā nei te whakatewhanga. Koia rā te whakatau a Tūkoroirangi Morgan, kai-tohutohu ō-mua ki a Kīngi Tūheitia.

Pūrongo

E tangi apakura ana a Waikato-Tainui mō te rironga atu o tō rātou tohunga pouwhakaairo

Mānia Clarke

E tangi apakura ana ngā iwi o Waikato-Tainui i te rironga atu o tētehi ō tō rātou tohunga ringa whao a Herekotuku Leonard Muru, e waru tekau mā tahi te pakeke, nō Ngāti Whātua me Waikato. Nā Muru ngā kaupapa whakaairo nui o Te Kiingitanga i whakatutuki, pērā i te waihanga o te waka tauā Tāhere Tikitiki te Tuarua.

Pūrongo

Ka tautoko te iwi o Waikato i a KidsCan ki te āwhina i ngā tamariki i te kura

Mānia Clarke

He mea tuatahi, ka takoha te iwi o Waikato-Tainui i te kotahi rau mano tāra ki a KidsCan hei taunaki i ā rātou mahi whāngai me te tohatoha rawa hauora ki ngā tamariki i ngā kura e rua tekau mā toru i Waikato, i te tonga o Tāmaki Makaurau anō hoki. Hei tā te heamana o Te Ara Taura, hei tā Rukumoana Schaafhausen e hāngai ana te mahi ngātahi ki ā rātou whāinga ki te āwhina i ā rātou mema e whitu tekau mā rua mano.