Kaupapa: Koroneihana

King Tuheitia gets political

Heeni Brown

I kitea te aronga o ngā whakaaro a Kiingi Tuuheitia mō te ao tōrangapū, i tana kauhau i te rangi whakamutunga o te hui koroneihana tuangahuru o tana nohonga hei kīngi Māori - he kōrero puta noa i te ngākau.

He kōrero ohorere ki te kauhau, he whakaaro tōrangapū. A, whakaputa marika ana i ana tino whakaaro mō Reipa.

Hei tā Nanaia Mahuta no te Pāti Reipā, "Me maumahara tātou he kōrero o mua tēra tae atu ki te wā o te kowhiringa pōti, ko wai ka mōhio nā wai i hua i roto i te whakapono ki ngā momo kaupapa ki te kawe ki ngā kowhiringa pōti e ū tonu au ki ngā kaupapa e whai ake ana e mātou o Reipa."

A, ehara hoki i te mea, ko Reipa anahe i ngā poronga a Te Kīngi.

"New Zealand First I don't know about those fellas, he might be a Maori but he doesn't act like one, but he got the name right New Zealand First, we were here first," hei tā Tuheitia.

Kei Te Pāti Māori me Mana ōna whakaaro.

"If Mana and Māori sort of coalate or do something together, we're just about there we got Mana Māori."

E ai ki a Marama Fox no te Pāti Māori, "Mai rā anō i ahau e uru atu ana ki Paremata kua kōrero nei au kua toro atu taku ringa hei whakatau i te raru ehara i te mea me whawhai mātou ki Te Pāti Mana engari atu anō me huri ki ngā kaupapa, me mahi tahi."

Atu i ngā mahi tōrangapū ko te whiu o te ringa te mahi a ngā kapa o Waikato-Tainui. Ko te whiu kōrero a te pae he kōrero take Māori. Me te hiahia a te katoa, kia noho ngā iwi o te motu ki ngā whakamarumaru o Te Kotahitanga.

Tekau tau a Kīngi Tuheitia e noho ana ki te torona, me tana e whakapono ana ka kitea tōna tuangahuru mā tahi.