Kia tangata whenua rā anō te āhua o te Tekau-mā-rua

Heeni Brown

Ko tā te Tekau Mā Rua ko te hāpai i ngā take a Kīngi Tūheitia.

E hāngai ana ki ngā kaupapa ahakoa taha whakahiato mai, ōhanga mai, taha wairua mai, taha tikanga mai, ā, tōrangapū mai anō hoki, ngā take katoa e pā nei i te Māori.

Ko Tā Toby Curtis e kii nei mō tēnei take 'Mehemea e pā mai tētahi raruraru ki a ia, mā Te Tekau mā rua nei te mea, me kii o tēnā iwi o tēnā iwi ko taaku kei te tautoko katoa a Te Iwi Māori, ā, kei te tautoko katoa te motu i a ia”

Horekau anō kia tohua ngā mema o Te Kōhanga Reo, o Ngā Wāhine Māori Toko i Te Ora me Te Kaunihera Maori.

Engari ka noho a Hemana Manuera hei heamana, nā, ko Pou Temara, rātou ko Che Wilson, ko Te Kahautu Maxwell, ko Tā Toby Curtis, ko Morehu Ngatoko, ko Erima Henare ētahi kua tohua.

Na, kua whai wāhi ngā ruahine a Mereiwa Broughton rāua ko Kahurangi June Mariu.

Ko tā Te Kaahautu Maxwell “I mua rā he tāne katoa, engari pīrangi a Kingi Tuheitia kia ōrite te noho a te wahine me te tāne ki runga i te kaunihera”

E ai ki Te Tari a Te Kīngi ka whakaae tūturu a Kīngi Tūheitia ki ngā mema kua tohua, whai muri i te whakamana tūturu ō ēnei kua whakaingoatia.