Kaupapa: Housing

Kare ano he whakaritenga kia puta mo te hokona atu o ngā whare ki raro i te kaupapa Tāmaki Regeneration ki te hunga tauiwi

Ki tā te Minita mo ngā take whare o Aotearoa, kare ano kia whakaritea mēna ka hoko atu ngā kāinga ki raro i te kaupapa whakawhanake whare o Tāmaki ki te hunga tauiwi. 

Ki raro i te kaupapa Regeneration ka tukuna e te kāwanatanga ngā whare rua mano waru rau ki te kamupene Tāmaki Redevelopment  (TRC) hei tutuki i tōna hiahia ki te whakarahi i ngā whare kei Tāmaki mā te rima mano. 

Ka tuku atu hoki rātou he pūtea tarewa kotahi ira rua piriona tāra te wāriu a ngā tau e rima e tū mai nei. 

Kō atu i te haurua o aua whare ka hokona atu hei utu i ngā pire hanga whare, ko ngā whare ka kre e hoko ka noho hei kāinga ā kāwanatanga. 

I tēnei wā he tata ki te waru mano ngā whānau e noho ana ki roto i aua kāinga, ko te nuinga he Māori he whanaunga ā motu hoki. 

Ki tētahi uiui ki runga i a Native Affairs i tukuna te pātai ki a Bill English mēna ka hoko atu aua whare ki te hunga tauiwi kei whenua ke e noho ana, ka noho noaiho ma te hunga o Aotearoa e wātea ai te hoko i aua kainga, ko tōna whakahoki.

“Well look there’s no decisions made yet about the full on development plan. I would imagine that any buyers there are subject to the same rules as anyone else in New Zealand, but the important thing here is we are not going to let those fears which need to be dealt with stop change in Tamaki.”

Ki tā te Minita kare ano hoki kia whakaritea e hia te rahi o ngā whenua ka hoko atu ki raro i taua kaupapa. 

Ki tā Peter Fa’afiu o te Kamupene  Tamaki Redevelopment kua noho tuwhera taua kamupene mo ngā tau e rua me te hāwhe, ā he tekau mā tahi ngā whare kua whanakehia e rātou ki te taha o te tari kaporeihana whare.  

Ko tā Fa’afiu ki a Native Affairs, e whakapono ana ia ka tāea e tōna kamupene te whakatau i ngā raru whare ki taua takiwā ka taea tonu ngā whanau rawa kore te whai kāinga ki raro i taua kaupapa. 

Ko tāna ahakoa kare i te tino mōhio  taua kamupene ki ngā mahi tiaki kaiutu rēti “the shareholders which include Len Brown, Nick Smith and Mr English have guaranteed that as long as you are in need of a social home you will have the opportunity to remain in a social home.”