Ka whai mōhioranga tētahi taiohi Māori mō tēnei wā o Te Aranga

Kei te piki ake te tokomaha o ngā taurikiriki Māori i Te Tai Tokerau me Tāmaki Makaurau ia tau, ia tau, hēoi kāore tērā e kaha kitea ana i ngā tatauranga mō ngā rangatahi Māori e tūhono ana ki ngā hāhi Karaitiana o te wā, hēoi ko te aronga matua i tēnei hui aranga rangatahi o te hāhi Mihingare, he whakapoapoa mai anō i a rātou

E ono tau ki muri i aituatia a Bobby-Jay Morunga Te Huna i tōna kuia e taraiwa ana, nā whai anō i hauā ōna waewae, nō taua wā he huarahi anō kua whāia e ia kia puta ki te ora

Nōreira i a te nuinga e whakatā ana hōrapa i te motu, kei reira tonu ētahi e whakaū tonu ana i a rātou hekenga ki tēnei whakapono, i hua mai ai ngā hārarei o te Aranga