Ka puta mai ngā whakataunga keri waro a Te Kāwanatanga

E taringa rahirahi ana te marea nei ki ngā kōrero a Simon Bridges i te rangi nei, engari anō rā mō te Māori, he take anō tērā kei te aro o ērā i tae atu.

Hei tā te Minita nei, tā Simon Bridges, “Ka patua tātou e te tautohetohe kia tae ake rā tātou ki te hinu me ēnā momo rawa. Engari, kua āta takahi, kua āta haere i roto i te whai i ēnei huarahi”

Kua kī mai a Bridges i āta whakaarohia e te Kāwanatanga ngā wāhi kua tāpaea e rātou, nō nakua nei ka whakawhānuitia ake ki te wha rau mano kiromita huarua te rahinga.

Kua keria ngā hauwaro o Taranaki mō ngā tau nui kotahi rau neke atu, ā, ko te āhua nei, ka haere tonu taua mahi mō ngā tau kei te heke tonu mai.

E tino whakahē ana a Te Whānau a Apanui i ngā mahi keri ki Te Raukūmara, ā, kua whai hua ō rātou porotēhi, nā te mea kāore tonu taua wāhi kia tāpaea e te Kawanatanga i tēnei tau.

E ono marama te wā hei whakarite mā ngā kamupene i ō rātou tono, ā, hei te Mahuru katia ai ngā tono, ā, hei muri ake ka whakamōhiotia atu ko wai i riro i ngā raihana hōpara.