Kaupapa: Health

Ka huri te aro kia whakatika i ngā tatauranga

Wepiha Te Kanawa

Kei te tū mai te hui hauora ā-tau o Aotearoa i Ngāmotu me te whakakotahi mai rā a ngā rōpū whakahaere hauora kia whai mahere rautaki e whakaheke iho ai ngā tatauranga hauora kikino mō te Māori. Hēoi, hei tā Moana Jackson rāua ko Annette Sykes, ko te ara tika hei whai mā rātou ko te whakaako i ōna āhuaranga katoa.

Kāre rawa i te mea ohorere e mea ana ngā tatauranga mō te paparewa o te hauora o te Māori, hēoi, he nui tonu ngā take i pēnā ai.

E ai ki a Annette Sykes, me kore tātou e whakawhirinaki noa atu ki tā te kāwanatanga kaupapa, pēnā i te 'Whānau Ora'

I runga i te mōhio ko ngāi Māori tonu kei raro kē e pūtu ana i ngā wāhanga katoa, e taki atu ana a Annette Sykes ki te iwi Māori anō kia whakatikatika, kia whakapaipai i tōna nei āhua i mua tonu i te tiwhatanga atu ki te kāwanatanga.

Ka haere tonu te hui nei ki te Rāpare, ā, ka tirotiro tonu ēnei mātanga hauora Māori mō te ara whakamua mō tātou katoa.