He waka kei te kimihia e ngā Pirihimana i a rātou e rapu hāere ana a LA Tukerangi

He waka kei te kimihia e ngā Pirihimana i ā rātou e rapu hāere ana i a LA Tukerangi he tekau ma rima ōna tau, rāua ko Dean Whakatau he toru tekau mā ono tōna pakeke.

Ki tā ngā Pirihimana he parauri te waka no te tau 1993, heToyota Corolla te hanga, ā ko te nama rēhita ko SGI810.

E ai ki ngā kōrero kua tau atu ki ngā Pirihimana i kitea te tokorua ki roto i  taua waka i te Rātapu kua pahure ki Rotorua.

Ki tā Detective Senior Sergeant Zane Smith, ahakoa he nui ngā kōrero kua pā atu ki ngā Pirihimana mo tēnei kaupapa, ā wāea, ā ipurangi rānei kāre ano tētahi tangata kia kiteate tokorua nei no te Rātapu.

Ko te whāinga nui ā ngā pirihimana me te whānau i tēnei wā ko te kite ora i a LA ko te whakahoki i a ia ano ki tōna whānau me te tono a ngā Pirihimana ki te iwi whānui ki te whakapā atu ki a rātou mēna ka kitea te tokorua nei.