He tōtara haemata kua hinga

Te Kuru o te Marama Dewes

He tōtara haemata, he kaitākaro whutupāoro ō mua mō te kapa Ōpango Māori a Ruruarau Heitia Hiha, he waru tekau mā rima tau te pakeke ka hinga nei.

I purei whutupāoro hoki a ia mō te kapa o Hawkes Bay, me te kapa o Te Tairāwhiti.

He kaitākaro tēnehi mō te kapa o Ahuriri me te tīma Māori o Aotearoa anō hoki.

I tū a Heitia Hiha hei kaumātua mō te Kaunihera ā rohe o Te Matau ā Māui, mō te Kaunihera o Ahuriri anō hoki.

He kaumātua o te hapū o Ahuriri, he heamana mō tētahi kerēme whenua ki Ahuriri nō te tau iwa tekau mā waru tutuki ai.

Ka mutu, nō te tau kua taha ake nei tohua ia ki te hunga kahurangi o Aotearoa mō āna takoha ki te ao Māori.

Kei Pukemokimoki Marae ki Maraenui a ia e takoto ana. Hei te rāhoroi whakahaeretia ngā karakia whakamutunga ki te Marae o Petane.