Ngā kaupapa: Kapa Haka, Te Haumi - Day 2, Te Matatini

He tirohanga ki ngā mahi whakarite a ngā kapa haka ka tū mo te puna o Te Haumi

Haruru ana ngā mahi i te papa, engari kei muri, tērā te āiopīpī. Ko te whainga o ia kapa kia kotahi ā-tinana, ā-hinengaro, ā-reo anō rātou. I kuhu motuhake ake a Maiki Sherman ki ngā mahi whakariterite me ngā whakaaroaro o ētahi kapa o te rā nei.   

Ae e whakarite ana te tereina o Tu Te Manawa Mourea kia ho ake ki te papa o Te Matatini.

Ko tā Dayne Hollis, “Kia noho pumau ratou ki a ratou ano, te pukukata. Heoi ano ko taku kī atu matua ki a ratou kia whakaritea ratou a hinengaro nei.”

Ko tāna ano, “Ka kite te tini me te mano i enei ahuatanga heoi ano kare ratou e kite i te mahi kei mua nga mahi ringa toi, nga mahi ringaringa raupa mo nga kakahu.”

Mo te kapa o Ngā Tumanako, kua pau te wā ki ngā kemu.

Ko tā, Jade Maipi, “Me tau ta ratou wairua i te mea i te ra nei inapo i te tino hikaka te wairua, i te pekepeke, ko taku ki a ratou me tau koutou. Kia kaua e kotiti nga whakaaro, me aro ki au mahi, kaua e warea ki kapa ke.”

I te kapa e whakatata atu ana ki te atamira, ko te aro tahi te whai.

E ai ki a Jade, “Mo matou o Nga Tumanako he kite i te taumata kua whakatakotohia, mena kua hikina te taumata ko to matou whainga kia hiki ake i a ratou.

Kaati no mua rano i te whakataetae tangia nga pae kouka, i te whare o Tutara Kauika,   

Ko tā Hēpara Tēpa, “He orite ki te war paint ne te mau i te moko te whakapakari i te tinana me te wairua, te whakahikaka i a koe me o parata hoki. Engari ko te mea nui kia tau te mauri i waenga i a tatou.”

Tata ki te katoa o ngā tāne e mau moko puhoro ana, he kaupapa mo Te Matatini.

E ai ki a Awanuiarangi Black. “Na tena, na tena ano hoki, i hoki hoki ake ki o ratou pakeke ki te patapatai, ka tau. Kia kitea e te motu kia puta ai hoki te atanga mai o whare moko, o moana moko.”

Ae e wehe ana te pahi, no ratou te wa.