He rīpoata mō te rahi o te moni utunga mō te tohu whare wānanga

Ko ngā whāinga umanga me mātua whai.  Koia tā te Minita Āwhina i ngā Take Mātauranga mō te whakarārangitanga o ngā tohu whare wānanga, kia hāngai ki te rahi o ngā moni utunga kei tua o te paetahi.

Nā te Tāhūhū o te Mātauranga taua whakaraupapatanga i puta i te rā nei, i tana pūrongo 'Ahu Whakarunga'.

Ko te whai, he whakataurite i ngā moni utunga a ngā paetahi o Aotearoa nō ngā momo kōeke, tōmuri i te mutunga o te rangahau i ngā momo kaupapa marau.

Mā tērā, e āhei ai te pia āmua ki te tiro hāngai atu ki ngā hua kei tua, i tēnā umanga, i tēnā umanga.

E ai ki ngā kitenga, e 5 tau i muri i te wehenga i te whare wānanga, he totoru ake te utu ā-tau o te paetahi rata rongoā i te utu ā-tau o te paetahi toi whakaari.

Heoi e ai ki a Tākuta Pita Sharples, ehara ēnei tirohanga i te mea nui. 

Hei tāna, "Mēna ka whiwhi koe i te tohu tākuta, nui atu tō putea ki ērā atu o ngā tohu.

Nā reira, ko te mea nui ki ahau kia whai ōu moemoeā ki te whiwhi mahi.

Mēnā ka taea, haere ki te whare wānanga, kaha na koe ki te rangahau ētahi mātauranga hōu kia whiwhi tohu."

Kairīpoata:  Piripi Taylor