He raru pea tā Botha kai i te pūtaiaki cortisone

He āwangawanga nui. Koirā tā Kevin Barry, kaiako o Joseph Parker mō Francois Botha i whāki i tōna werohanga ki te pūtaiaki cortisone, me te mohio hoki i kai ia i te pūtaiaki nandrolone i mua i tana whawhai i mua, ki a Axel Schulz mō te tātua IBF o te Ao.

Nō te rangi nei ka whakamātautautia nga mimi me ngā toto o Botha rāua ko Parker. I mā te mimi o Botha, heoi, hei te tekau rā kitea ai ngā hua o tana whakamātautau toto.