He poroteehi e whakahē ana i te hoko tonu atu a ngā whakapōauau kore mana i Aotearoa

Lynette Amoroa

Tokomaha nga tāngata i patu i ngā rori puta noa i te motu i te rā nei, e horahia ana i o rātou hīnawa ki te hokotanga atu o ngā whakapōauau kore mana i Aotearoa nei.

Ko te whakahau a te hunga totohe i te rā nei, kaore he take o te hanganga ture a te kawanatanga, me tā rātou inoi kia rāhui te hokonga o enei waihanga ki ngā toa puta noa i te motu.

Heoi no te rā nei ki waenga i te mākiu i Waitakere ka puta te whakahau a te Koromatua Tuarua o Tāmaki Makarau a Penny Hulse, me mahi tahi ngā kaunihera ki te kawanatanga.

No te Hongongoi i tēra tau ka puta te ture mate āhotea na ngā mahi whakapoauau hei aukati i te hokotanga o enei waihanga kino ki etahi o ngā toa me ngā toa hokomaha, hoko waipiro hoki. Inā hiahia tētahi toa ki te hoko me whai i ngā tikanga i raro i taua ture.