He nui ngā hua mō ngā ringa rehe i te whakataetae WorldSkills

Heeni Brown

Ko WorldSkills tētahi taumata-whakataetae e āhei ai te ringa-rehe ki te whakamātau pēnā rānei kei ā rātou ngā pukenga e tika ana mō ō rātou mahi.

Rua tekau tau a Kasseyjean Samuels, he ringa rehe i te wharekai. Hei tāna horekau rawa ai ia i whakaaro ka nui ngā hua o te whakataetae WorldSkills.

Tekau ngā napikena, ā tekau mīniti noa hei whakarite. Koinei tētahi o ngā wero me eke e Kasseyjean Samuels ki ngā whakataetae Ao a Kiwa WorldSkills.

E ai ki a Bruce Howart te Tāhūhū Rangapū mō WorldSkills Aotearoa, ko tēnei te taumāhekeheke orimipia mō ngā mahi-ā-rehe mā te hunga rangatahi rua tekau mā toru tau te pakeke heke iho.

Tekau mā iwa ngā mahi ā rehe ka whakamātauria i Aotearoa nei, pēnei i tā Kassey-Jean he taka i ngā hua e eke ai ia ki ngā taumata teitei.

Hei tērā marama, ka tū ngā whakataetae WorldSkills Ao a Kiwa ki Kirikiriroa, ki reira whakamātautau ai a Kasseyjean Samuels pēnā rānei kei a ia ngā pūkenga e neke whakamua ai ia ki ngā whakataetae WorldSkills o te ao ka tū ki Sau Paolo, Brazil ā te mutunga o te tau.