He mētara kōura anō mā Carrington

Te Kapa ā-Tihi - Rereātea

He mētara kōura anō kua whaowhina ki te kete o te uri o Te Aitanga-a-Māhaki, o Lisa Carrington ki te ipu kōreti a ao ki Tiamani. 

I toa a Carrington rāua ko Aimee Fisher i te rēhi K2 rua rau mita. I uru atu hoki rāua ki te rēhi K4 Rima rau mita ki tō Caitlyn Ryan rāua ko Rebecca Cole taha, ā, he mētara kōura anō te hua.

Koinei te mētara kōura tuatoru a Carrington i te ipu a ao nei. Ka hoki mai ia ki te wā kāinga, kātahi ia ka takatū ake ki te whakataetae a ao.