He karanga kia arotake te mahi haumaru o ngā pakihi mahi ngahere

Te Kāea

Kei te piki te nama o ngā mate kaimahi ngahere tā Jacob Kahavala kei te ū ētahi kamupene ki ngā ture haumaru, hāunga rā ētahi atu.

Ko tāna, kahore nga kamupene iti, pērā i ngā kamupene ā iwi i te mohio pū  ki ngā pūnaha pai, kino rānei.”

Ka toko ake te pātai kei te noho tōmua rānei te haumarutanga o ngā kaimahi i roto i te ngahere.

Ko tā Kahavala ano, “mena ka noho tōmuri kē te haumarutanga ki ngā mahi moni a ngā kamupene he raru nui tēnā.”

Kahore ano te Kāwanatanga kia huri ki te arotake i ngā mahi turaki rakau i roto i te ngahere me te aha e matemate tonu ana ngā kaimahi pera i a Robert Epapara e rua tekau ma toru ōna tau i tōna matenga i te Maehe kua pahemo.

E ai ki a Kahavala, “nōna te hiahia kia mau kakahu ngahere kia mau hūrinorino kia whakamahi whataretare hoki.”

I te mutunga ake i taka tētahi rākau ki runga i a ia.

Ta te matua kēkē o Robert he tangata kua roa e mahi ana i roto i te ngahere, kāore ngā kamupene i te ū ki ngā ture haumaru me te aha tokomaha ōna hoa kua mate i ngā tau kua aua atu.

He maha ngā ngahere kei te takiwa o Ikaroa Rāwhiti me ōna kaitōrangapu e whai whakaaro ana ki te whakahaumaru i ngā ngahere.

Ko te wero nui ko te whai kia aro te Paremata ki ēnei whakaaro.