Kaupapa: Entertainment

He hokinga ngātahi mā Dennis Marsh rāua ko Eddie Low ki te atamira

Kua 50 tau neke atu te tokorua nei a Dennis Marsh rāua Eddie Low e waiata ana, e whakangahau ana i ngā iwi o te motu, o te ao whānui hoki, ā, hei te marama e heke mai nei, ka hono tuatahi ai rāua mō tētahi haerenga e karapotia ai Te Ika a Māui.

Ahakoa kua ekea te tokorua nei e ngā hurihuringa o te wā, mārama te kitea atu kei te ngākaunui tonu te iti me te rahi ki a rāua waiata, me a rāua mahi ngahau.

Mā ngā waiata makau pēnei i 'Pōkarekare Ana', a 'Have a Māori Hāngi Tonight' hoki, e whakareri ana tēnei tokorua ki te takahi i te motu, i runga i te hiahia ki te tuku mihi ki ngā kaitautoko maha o a rāua nei mahi.

Hakoa koia nei te wā tuatahi kua piritahi ēnei kaiwaiata rongonui, kei te kitea tō rāua āhua ngāwari, āhua haututū, anō nei kua roa kē rāua e piritahi ana.

Ka tīmata te haerenga nei a te 3 o Paengawhāwhā mai i Rotorua, oti atu ai ki Whangārei.

Kei www.ticketmaster.co.nz ngā tīkiti hei hoko.

Kairīpoata:  Numia Ponika-Rangi