He ahi kua pakaru ake i Taupō tata ki te Hōtēra Spa Thermal

I whakapaea rā i hika mai i te puihi, nāwai kua whakatata atu ki ētahi whare.

Ko tā te kaiwhakahaere o te Spa Hotel ki a Te Kāea, ki te pā te ahi ki ngā rākau paina, e kore e kore ka pākia anō te hōtēra.

Ko ētahi whare kē atu e noho whakaraerae ana.

E 2 ngā waka topatopa hari wai kua tukua atu, me ngā taraka patu ahi e 4, kia ringitia te ahi ki te wai i tīkina atu i te awa o Waikato.