Kaupapa: Environment

E whakahē ana te Kōti Matua o Kānata i te mahi a ngā kamupene hinu

Wepiha Te Kanawa

E whā tau te roa ēnei hunga o Clyde River e wero ana i ngā kamupene hinu kia whakarerea ai rātou.

E ai ki a Mike Smith o Green Peace, kua angitū te hapori Inuit i ā rātou wero ki ngā kamupene hinu mō te kore whakawhiti kōrero ki a rātou. Hei tāna he pānga tō ngā mahi hinu rā ki ngā taiao rerekē o tērā whenua.

Nā te poari hiko o Kānata i whakaae ki ngā mahi pahū moana i te tau rua mano tekau mā whā, heoi i whakahē ngā kōti teitei na te mea kāore te iwi taketake i whai pānga ki ngā hui.

I te marama o Paengawhāwhā i kawea hoki nga mahi pahū moana ki te tahiwā o Ikaroa- Rawhiti, ka mutu i whakahē mārika te mana whenua.

Hei tā Smith, he kaupapa nui whakaharahara i te mea he tauira tēnei mā te ao Māori.

E whakaae ana te hunga nei ki ngā mahi whakawhanake hei painga ma te iwi, engari e whakatūpato ana rātou ki ngā kamupene nui kia tika ngā hui whiringa kōrero.