E mahi tahi ana te hapori o Manurewa ki te whakaora ano i ā rātou awa

Kua timata ngā whanau o te marae o Manurewa, te Kaunihera me te hapori whanui o Manurewa ki te whakakore atu i ngā rakau o te repo o Puhinui, na runga i te hiahia kia hangaia he wāhi hoe waka, he wāhi kaukau hoki mō te rohe katoa.

He timatanga tēnei ki te whakatutuki i ngā momoeā kia whakahokia a Puhinui ki tōna āhua i ngā tau o ngā Tipuna.

Hei tā Damon Heke, “Whakahoki atu tera o ngā moana ki te wā e ora ana o matou nei tipuna ki tenei takiwa, koira te tumanako, ngā hiahia, ngā moemoeā o te marae me te hapori whānui o Manurewa.”

He kaupapa tēnei i kitea ai te Kaunihera o Tāmaki Makaurau, me te hapori o Manurewa e mahitahi ana, ā whānau, ā tinana, e whakaheke werawera ana, na runga i te moemoeā e matakitehia nei.

Otira, he arawai mo te hapori whānui, hei whakahaere i ngā kaupapa hākinakina a wai nei, a ngā tau kei mua, te hua o te whakapau kaha inaianei.