E karanga ana tētahi kāhui minita kia mutu katoa te tautoko ā waipiro i ngā karapu hākinakina

Te Kāea

E karanga ana tētahi kāhui minita kia mutu katoa te tautoko ā waipiro i ngā karapu hākinakina, ā, kia mutu hoki te tautoko i te waipiro pēnei me te pia, te waina me ngā waiwaihā ki ngā whakapāhotanga o ngā whakamātautau hākinakina.

E whai mai ana ngā whakahau i tētahi urupounamu rua tau te roa e aro atu ana ki ngā paerewa pānui waipiro, ā, e tautoko marika ana te pirihitini pā whutupāoro Māori o Aotearoa i tēnā whakatau.    

Tekau mā ono tau te roa o Pā Whutupāoro Māori e takahi ana i te huarahi o te waipiro kore,

Tā tōnā perehitini a Carol Ngawati, i uhia tēnei tikanga mō ō rātou tamariki mokopuna.

I runga i te hiahia kia whakaheke i ngā whakapāhotanga o te waipiro ki te rangatahi, kua whakaritea e te kāhui minita take tautoko waipiro i ngā tohutohu tekau mā whā.

Ko ētahi o ngā tohutohu matua he aro ki te whakarerekē i tā ngā kamupene waipiro whakapāho ki ngā hotaka hākinakina, ā, ki ngā hākinakina taketake hoki.

Ā, kei ngā tohutohu hoki te whainga pae-tawhiti kia aukati ngā pānui waipiro ki ngā hākinakina katoa.   

Mō te Pā Whutupāoro Māori, otirā te pā kainga mō te tata ki te whitu tekau kapa hākinakina, ka tāea te tutuki i ngā tohutohu rā.

Hei te takurua o tērā tau tahuri anō ngā pou matua o tēnei kaupapa tirotiro i ngā pānui tautoko waipiro ki te Minita Take Ture.