Kaupapa: Butcher

E aro ana ngā kaipatu mīti tokoono kia whakaihu waka

Tokoono ngā tama Māori ka whakaatu atu i ō rātou pūkenga i te Tauwhāinga Kaipatu Mīti Ika Tauhou-ā-rohe o Tāmaki Makaurau hei te marama e tū mai nei.

E hia rau ngā kaiwhakataetae o tēnei kaupapa e whai ana i te taitara toa, ā, i tūtaki atu a Te Kāea ki ngā kaipatu mīti Māori, kia rongo ai i ō rātou whakaaro ki te kaupapa nui kei mua i te aroaro.

He manawa tītī ō ēnei tama. Ko tō rātou whāinga matua, ko te whati kōiwi kia rere ai te toto, i ā rātau i te mura o te ahi.

I puta te hiakai o ēnei tama ki ēnei momo mahi i tō rātau ohinga, otirā, i a rātau e mātakitaki ana i ō rātou whānau e aru kīrehe ana.

Ehara i te mea ko ēnei tama anake kei te whai hua i ēnei mahi. Kua waimarie hoki ō rātau mārae i a rātau.

Ka tū te tokowhā nei hei kanohi mō CountdownTāmaki, ā, ko Jono hei tauira mō Pak n Save Albany, ko Jacque hei mata mō Pak n Save Mangere.

Ahakoa e whai ana ēnei tāngata i te wikitōria, ko te tūmanako nui kia whakahokia atu ō rātou pūkenga ki te kāinga, ki reira whakaako ai i te hunga rangatahi.

A tērā marama huraina mai te kōrero pēnā ka whai tūranga toa ēnei pia.